Bailaran urteko bigarren hitzordua izango da, aurten lehenengoz Antzuolan egin dutelako estreinua, 8 Miliak probarekin, eta bertan izandako arrakasta errepikatzea da antolatzaile oñatiarren asmoa. Pena, aste barruan eguaztenera arte egin duen eguraldi ikusgarriaren ostean, asteburuan gauzak goitik behera aldatuko direlako.
Errekorrari beste koxka bat
Iaz oso maila ona egon zen, eta podiumeko hiru postuak dira erakusle. Gainera, Ionut Zinkak lortu zuen errekor berria ezartzea (1.11.34). Bigarren izan zen Walter Becerra, eta Agusti Roc hirugarren. Emakumetan, ostera, Nerea Amilibia nabarmendu zen Azara gartziaren eta Montse Vazquezen aurretik.
Atletez batera, parapentea bizkarrean ere hainbat lagunek egingo dute lasterka, eguraldiak baimentzen badu, Aloñatik salto egiteko asmoaz.