loñak urtero antolatzen duen txapelketa harrobiko mailendako proba da. Hori horrela, prebenjaminak, benjaminak, alebinak eta infantilak lehiatuko dira.
Zubikoa kiroldegiko kantxan hiru tatami ipiniko dituzte, eta adinka banatuko dituzte parte-hartzaileak. Neska-mutikoek eurek aukeratutako karate mugimenduak baloratuko dituzte epaileek. "Maila horietan katak egiten dituzte. Karateko mugimenduak dira. Ondo sinkronizatutako mugimenduak egiten dituzte, besoekin eta hankekin", esan digu Aloña Mendiko Karate Saileko presidente Ricardo Arrizabalagak.
Karateak duen beste modalitatea kumitea da. Infantil mailan hasten dira borroka egiten. "Kumitea borroka egitea da. Lehia zuzena. Hori ezin dute egin infantil mailarako heldu arte", dio Arrizabalagak.