Domekan, apirilak 21, Bidarraitik hasi eta Amaiurren bukatuko den irteera egingo dute, Hirubelaskoa tontorra zapalduz (967 metro). Bospasei ordu inguruko irteera izango da, zailtasunik gabea.
Goizeko 07:00etan aterako dira postetxe paretik. Izena emateko azken eguna da apirilaren 18a, eguena. Bazkideak bederatzi euro ordaindu behar dute, eta bazkide ez direnak, 12 euro; langabetuek, bost euro.
Eski trabesia
Bestalde, apirilaren azken asteburuan Pirinioetara egingo dute irteera, Posetsera, mendi trabesia egitera. Hilaren 26an abiatuko dira, eta 28an bueltatu. Izena 23a aurretik eman behar da. Apuntatzen diren lehen 20 lagunek ziurtatuta izango dute tokia.
