Euskal Herriko Musika Eskolen Elkartearen Musikaldia izeneko jaialdia egingo da Oñatin apirilaren 27an, eta ospakizun hori prestatzen laguntzeko deialdia egin du Jose de Azpiazu Musika Eskolak. Bilera egubakoitzean da, hilak 12, 18:30ean, musika eskolan, eta jaialdi egunean egin beharreko lan ezberdinak azalduko dizkiete bilerara joaten diren guztiei.
Bilera horretara daude gonbidatuta orain arte disponibilitatea azaldu dutenak, eta informazio guneetan, materialen gordelekuetan, eszenatokietan eta bestelako eginbeharretan lagundu gura dutenak.
Apirilaren 27ko Musikaldian, 42 musika eskoletako 2.500 ordezkari elkartuko dira. Oñatiko musika eskolak egun osoko egitaraua prestatzen dihardu irailetik. 10:30ean hasiko da jaialdia, eta Iban Garatek egingo ditu gidari lanak
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Batu zaitez Goiena albisteen kanalera.
TELEGRAM: Batu zaitez GoienaAlbisteak kanalera.