Jende dezentek egin du gaur, zapatua, Arantzazura joateko plana, elur giroaz gozatzeko: paisaia zurituak ikustea edo meni ibilalditxo bat egitea zen euretako gehienen asmoa.
Planarekin aurrera egitea posible izan bada ere, azken metroak, eta kasu batzuetan kilometroak, oinez egitea ezinbesteko baldintza izan da, baita autoak elurretatik ateratzen laguntzeko bultza egitea ere.
Autobusa ere kateatuta
Erandioko mendizale talde bat zekarren autobus bat, esaterako, Arantzazura ailegatzeko 3 kilometroren faltan geratu da. Oinez egin dute hortik gorako bidea, eta euretako biren eta ertzainen laguntzarekin eta palekin lortu dute autobusari buelta ematea.
Eguerdiko ordu bata inguruan pasa da gorantz elurra kentzeko makina, baina hala ere ez dute eman autoarekin gora egiteko baimenik, behar moduan gertatuta egon ezean.
Gogotik botatzen zuen elurra, gora-beherok iraun duten denbora tartean.
Denboraleak eraginda, Arantzazura heltzeko arazoen ondorioz, bertan behera utzi dituzte goizean bertan egitekoak ziren haurrentzako arkitektura tailerrak ere.