Aste Santuko egunetan, bihartik, eguena, apirilaren 1a arte, biak barne, normalean baino udal zerbitzu gutxiago egongo dira herrian.
Udaletxeko bulegoak, esaterako, itxita egongo dira bihartik hurrengo astelehena arte, apirilak 1 barne. Zubikoakiroldegian, ere, ordutegi ezberdina izango dute zerbitzuek egun batean edo bestean. Igerilekuak, esaterako, itxita egongo dira, Jaurlaritzako Osasun Sailak urtero agintzen duen lehen garbiketa sakona egiteko. Kiroldegiko gainerako zerbitzuak, berriz, itxita egongo dira bihar, etzi eta apirilaren 1ean; zapatuan, 09:00etatik 14:00etara eta 15:00etatik 19:30era egongo da zabalik, eta domekan, 09:00etatik 14:00etara zabalik.
Zinemarik ez
Kultura etxea ere itxita egongo da eguenetik astelehenera arte, beraz, ez da liburutegi, KZgune eta zinema zerbitzurik egongo. Hurrengo filma apirilaren 4ko zineklubean botako dute.