Artzain Eskolak 16 urte daramatza artzainei heziketa eskaintzen, tokiko ardi arrazaren defentsa egiten eta animalia eta ingumenarekiko errespetua bultzatzen. Aurtengo ikasturtean, 8 ikaslek amaitu dute arrakasta osoz heziketa zikloa.
Ekitaldian, urtearen balantzea egingo dute eta bertatik pasatako ikasleen profila, laneratze tasa eta beste zenbait datu eskainiko dira.
Bestalde, Juana Irastorza, Felix Goiburu eta Karmele Murua artzaiei egingo zaie omenaldia, eta baita Idiazabal Jatorri Izendapeneko Elkarteari, Idiazabal gaztaren inguruan egindako promozio eta balio erantsiaren inguruko lanagatik.