Lehen zatian, Touring gehiago izan zen. Oñatiarrak zelaian tokia topatu barik ibili ziren, baina erasoan eta baita defentsan ere. Gainera, 20. minutuan kontrako gola jaso zuen Azkargortaren taldeak. Dena den, ez zuten etsi, eta atsedeneraren aurretik, 45. minutuan, berdinketa lortu zuten, Josu Juaristik egindako golari esker.
Bigarren zatian indartsu irten ziren oñatiarrak. Baina, minutuetan aurrera egin ahala, indarra galdu zuten, eta azken minutuetan, nahi eta ezin ibili ziren.
Hiru partidu maila mantentzeko
Aloñaren egoera ez da larria, baina lehenbailehen irabazi behar ditu hiru partidu maila ziurtatzeko. Lehena, hilaren 17an, berriro ere Azkoagainen, Zarautzen kontra.