Preso egondako emakumeek kontatu zuten orokorrean kartzelak gizonendako eginda daudela eta sentitu dutela lehentasuna gizonezkoek zutela.
Maite Guridik adibidez kontatu zuen bera 1995ean irten zela kartzelatik; denboraldi bat Jaenen egon zela eta Karabantxelen ere izan zela beste denboraldi batez. Jaeneko espetxea gizonezkoena dela azaldu zuen, emakumeendako modulu bakarra dagoela eta lehentasun guztiak gizonezkoek zituztela esan zuen. Karabantxeleko kartzela, berriz, emakumeena zen eta funtzionatzeko modu desberdina zutela azaldu zuen.