Orratza eta haria erabilita kaleko elementuak apaintzean datza urban knitting delako filosofia. Euskal Herriko hiriburu ezberdinetan ikusi izan dira horrelako ekimenak, eta gaur Oñatin ere egingo dute.
Debagoieneko Kroxeters taldearen ekimena izan da. "Gantxilloa, artilea eta orratzak eskuetan hartu eta elkarrekin egon eta gustukoak ditugun eskulanak egiteko elkartzen gara taldean. Puntua, gantxilloa edo orratz lanak egitea gustatzen zaion bailarako edonor izan daiteke kide", dio Arantzazu Lagunilla taldeko kideak. "Oñatin Artzain eguna egingo dela aprobetxatuta, Mankomunitateari azaldu genion gure ideia, ondo iruditu zitzaion eta hantxe egongo gara Oñatiko plazako zuhaitzak gantxiloz apaintzeko", jarraitu du.