Andoni Salamero arduradunak "oso balorazio positiboa" egin du: "Mahai-inguruko kideak –Alex Sardui, Peio Ospital eta Jon Maia– puntakoak izan ziren, eta belaunaldi desberdinak ordezkatzen zituzten. Eta azpimarratuko nuke ze ondo aritu ziren ikasleak, egin zutena ez delako erraz egitekoa", esan digu.
Komunitatearen saria
Euskara ixuketan sariekin, honakoak eskertu zituen Elkar Hezik: Juanito Zelaia, Oñatiko natur eskola, Oñatiko euskaltegia, Michichou sendia (Marokotik etorritakoak), Agustin Zamora, Jerardo Elortza, mahai-inguruko hiru mahaikideak eta Berritzeguneak (Josune Alberdik jaso zuen saria). Salamerok honela azaltzen du: "Piztu duten bidea errekonozitu gura izan dugu, baina, saria erakunde akademiko batek eman zien arren, hizkuntza komunitate bat denez, denok emandako saritzat dugu".