Oñatin gaur estreinatu dituzte Inauteri propio berriak eta herritarrengan harrera beroa izan dute. Goizeko 11:30ean hasi dira dantzan Olakuan eta ordu horretarako herritarrak dantza berriak noiz hasiko zain zeuden itxoiten. Urtebeteko lanaren ostean, Inauteri propioak ditu Oñatik eta estreinatu dituzte dagoeneko dantza berriak -Kalezaharra eta Bixamona izeneko bi pasakaile, polka bat eta makil dantza bat- eta baita jantzi berriak ere. Guztira, 210 lagun inguru irten dira.
Jantzien ezaugarriak Euskal Herriko eta Europako Aratusteetako dantzarien jantzietan daude oinarrituta: barrutik arropa txuria, goian kolorea eta aurpegia estalita.
Herritarrek dantza eta jantzi berriez disfrutatu dute eta gustura hartu dituzte herritarrek sortutako Inauteri propioak.
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Batu zaitez Goiena albisteen kanalera.
TELEGRAM: Batu zaitez GoienaAlbisteak kanalera.