Udaltzaingora eta bake epaitegira joateko sarrerak egokitu egin dituzte, irisgarritasuna aintzat hartuta. Udaltzaingora sartzeko, adibidez, arrapala txiki bat egin dute, eta epaitegira sartzeko berriz, paso zuzen bat zabaldu dute, lehengo bidetxoa mantentzeaz gain. Lan horiek egiteko, bi egoitza horien pareko berdegunea moztu dute. Azken aste hauetan hasi dira lanak egiten eta datozen egunetan bukatuko dituzte. Epaitegiko sarrera berria amaituta dago eta udaltzaingokoa egokitzeko azken orduko lanak baino ez dira gelditzen egiteko.
Osasun zentroaren eta Zubikoa kiroldegiaren irisgarritasun lanen barruan sartzen dira udaltzaingoaren eta bake epaitegiaren sarrera egokituak ere. Lan haiek 2012ko urrian hasi zituzten, eta Egaralur enpresari esleitu zion Udalak 91.500 eurotan.
