Zubikoak eskaintzen dituen zerbitzuak osatzeko, hainbat ikastaro osagarri antolatuko ditu udaleko kirol sailak urtean zehar. Horietako bi gaur, egubakoitza, bertan egingo dituzte Zubikoa kiroldegian. Lan kardiobaskularren inguruko tailerra 17:30ean hasiko da gimnasioan, eta fit bike-aren erakustaldia, 18:30ean fit bike-a egiten den gelan.
Bi ikastaroak ordubetekoak izango dira. Lan kardiobaskularren tailerrean gimnasiako aparatuak ondo erabiltzen erakutsiko dute eta fi bike-aren erakustaldian, ekintza kontrola landuko dute.
Ikastaro biak doan dira Zubikoako edozein kirol ikastaroetan daudenendako. Hala ere, gainerakoek ere badute aukera gaurko zerbitzuak jasotzeko. Oñatiko bazkide badira, 3 euro ordaindu beharko dute eta ez direnak, 5 euro.
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Batu zaitez Goiena albisteen kanalera.
TELEGRAM: Batu zaitez GoienaAlbisteak kanalera.