Eneko Blanco, oñatiarren entrenatzaileak, partidu geldoa planteatu zuen Donostian. Easok, azkar jokatzen du, kontraerasoan; eta puntu asko sartzen dituzte. Horri aurre egiteko, baloi jabetza luzea eta joko estatikoa egin zuen Natra Oñatik.
Bigarren tartean apurtu zuten partidua oñatiarrek, 8-20ko partziala eginez. Baina, azkenekoan, sufritu egin zuten, donostiarrak hiru puntura gerturatu zirenean. Bost minutu geratzen ziren. Urdudi ipini ordez, lasai jokatu, eta hamarrera zabaldu zuten aldea.