Elkar Hezi ikastetxeak "euskararekiko eta euskal kulturarekiko dugun konpromisoarekin jarraitzeko" helburuarekin, euskara oinarri izango duen mahai ingurua antolatu du. "Hirurek euskararen gainean paper garrantzitsua jokatu dute eta jokatzen dihardute, nork bere esparruan", esan dute Elkar Heziko ordezkariek.
Ekitaldi berean Euskara ixuketan sariak banatuko dituzte. Sari horiekin "gure inguruan, esparru ezberdinetan euskararen suspertze lanetan aritu diren eragileei, gure esker ona adierazi gura diegu", esan zuten. 11 sari banatuko dituzte, eta besteak beste, Natur Eskolak eta Euskaltegiak egindako lana aitortuko dute.
Urrezko bikain ziurtagiria
"Gure ikastetxeak, euskal kulturan eragile izatea du helburu nagusietako bat, eta urrezko Bikain ziurtagiria eskuratu izanak, hau frogatzen du", esan zuten aurkezpenean.