Gaur hasi eta aste honetan zehar, Oñatiko San Lorentzo eta Errekaldeko auzoak batzen dituen pasabidean asfaltatze lanak egingo dituztela adierazi dute Oñariko Udaletik. Asfaltatze lanekin batera, bertan diren uraren hartuneak zabaldu eta konponduko dituzte, sortu ohi diren putzuak ekiditeko. Argiteria berria jartzeko lanak egingo dituzte ondoren.
Bigarren fase baten (16 astetako epean), argiteria berria jarriko da pasabidean. Argiteria LED teknologiaduna izango da eta adimentdua, hau da, pertsonak detektatzen dituenean intentsitatez igoko da eta inor ez dabilenean oso maila baxuan egongo da. Argiteria, pasabidean dagoen tunelean jartzeaz aparte, pasabide osoan jarriko da.
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Batu zaitez Goiena albisteen kanalera.
TELEGRAM: Batu zaitez GoienaAlbisteak kanalera.