Hiru kamioikada zeramatzaten gaur –eguaztena– goizean, eta beste hainbeste gutxienez beharko omen dituzte. Eta ura ateratzen ere jarraitzen zuten, ponpekin.Lurrarekin batera mendiko urak batzen dituen hormigoizko kanala ere behera etorri zen eta honek egin zuen zuloa horman.
Lantegiko bost pabilioitatik lau hartu zituen urak, bulegoetara ere sartu zen, eta gailuak eta materiala, badaezpada, altueran izaten dituztelako ez da galera handiagorik izan. Baina kalteak bai, zuzenekoak eta zeharkakoak, langileak garbiketa lanetan ibili dira-eta atzotik.Fresagailua hondatuta hortaz, zorionez kalte pertsonalik ez da izan, ezbeharra gauez gertatu zelako eta inor lanean ez zegoelako. Baina Nemesio Zubian beldur dira beste hormaren bat ere ez ote den hautsiko, nahiz eta suhiltzaileen laguntzarekin horiek indartzen saiatu.
40 langile ditu Nemesio Zubia lantegiak, eta erabilera askotarako hodiak egiten dituzte. Ekoizpena martxan da berriz, dena dela hamabost bat egun beharko omen dituzte normaltasunera itzultzeko. Aseguru etxeekin harremanetan dira, eta baita Oñatiko Udalarekin ere. Udalak hasieratik agertu ei du egoerarekiko interesa. Hasierako lanak eginda, berriro horrelakorik ez gertatzeko mendi magalerako aktuazio orokorrago bat nahi lukete Nemesio Zubiakoek.
Lantegiaren egoera eta euriak sortutako arazoak konpontzeko lanak, argazkitan:
