Urtero legez, Oñatiko Udaleko Euskara sailak egutegia kaleratu du, eta herriko ikastetxe, enpresa eta bulego publikoetan banatu dira. Dena den, egutegi hori nahi duenak oraindik badu aukerarik. Turismo bulegora joatea besterik ez dauka, eta euro baten truke eskuratu ahal izango du.
Poster tamainako orri bakarreko egutegia da. Euskararen Egunean ateratako argazkiak eta euskaraz bizi gara leloa agertzen dira aurtengo egutegian. Izan ere, egutegia baliatu nahi izan da, batetik, Euskararen Egunean izandako lankidetzaren emaitzak erakusteko, eta, bestetik, egun horretako mezua urteko egun guztietan baliogarri dela gogorarazteko.
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Batu zaitez Goiena albisteen kanalera.
TELEGRAM: Batu zaitez GoienaAlbisteak kanalera.