Joateko interesa duenak unibertsitatearekin harremanetan jarri behar du, migarzabal@mondragon.edu helbidean edo 943 71 80 09 telefonoan.
Hitzaldiari Mondragon Unibertsitatearen Enpresagintza Fakultateko zuzendari akademiko Mikel Mesonerok emango dio hasiera 14:15ean, ekitaldiaren aurkezpena eginez. Ondoren, ohPlay-ko koordinatzaile orokorra eta Dada Company-ko bazkide sortzailea den Jose Maria Martinezi emango dio hitza, eta horrek inaugurazio-konferentzia eskainiko du, Marketin mugikorra: bilakaera eta/edo iraultza izenekoa.
16:00etan lehen kasu praktikoak azaltzen hasiko dira, Deskontu.com-eko sortzaile Txomin Jauregiren eskutik. Horren ondoren, Garaia Guneko Enpresa Digitaleko eta Mondragon.edu-ko eta mukom.mondragon.edu-eko kudeaketa-kolaboratzaile Iñaki Lakarrak esku hartuko du. Lehen partea Filmatu.com-en sortzaile Alvaro Andoinen kasu praktikoekin amaituko da.
Atsedenaren ondoren, esperientzia praktikoen bigarren parteari helduko zaio, Eroski markaren arduradun Eduardo Sainen eskutik, eta gero Diseño Web Weiss Communication-eko software-sortzaile Alex Acostaren eskutik.
Hitzaldiari amaiera emateko, Mondragon Unibertsitatearen Eskola Politeknikako irakasle eta ikertzaile Dani Reguerak honako hitzaldi hau eskainiko du: SEOa eta nola optimizatu marketin mugikorrean.