Txanda hitzaren esanahia asmatu; denden izenekin letra-zopa egin edo argazki zaharren interpretazioak egin behar izan zituzten, besteak beste, herriko kaleetan eta dendatan galdezka ibilita, herria hobeto ezagutzeko helburuarekin. Herrian izan diren aldaketak ezagutaraztea gura izan zuten aurtengo edizioan.
Helburu nagusia ez zen arren, lehiaketa guztietan moduan, parte hartzaileen arteko lehia estua izan zen, horren erakusle 9 urteko bi taldeen artean, berdinketa izan zela. Antolatzaileek baina, guztientzako zituzten sariak: herriko dendetarako erosketa-txartelak; kobazuloetara sarrerak; goxokiak... Kamiseta zozketa ere egin zuten gero.