Andoni Azkargortaren mutilek garaipen garrantzitsua erdietsi dute gaur Azkoagainen Urolaren aurrean. Joko nahasia eta lehia borrokatua izan dira nagusi: "Jabetza argirik gabeko partidua izan da. Gakoa izan da gu eurak baino finago aritu garela ate aurrean eta gero defentsan ondo aritu garela", esan du entrenatzaileak. Unai Uribetxeberriak bi gol egin ditu eta bestea, berriz, Iker Olaldek penalti jaurtiketa bidez.
Urola lehen zatiko 30. minututik jokalari bat gutxiagorekin aritu da, inork ulertu ez duen kaleratze baten ostean. Area barruan Urolako atzelari bati baloiak eskuan jo eta epaileak penaltia adierazi du. Penalti argia izan da baina, denen harridurarako, epaileak jokalaria egotzi du. Horren ostean, aldeko jarri zaio partidua Aloñari. Urolak talde sendoa duela erakutsi du: "Joko zuzena gustatzen zaie, aurrean dituzten jokalarien altuera aprobetxatzeko".
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Batu zaitez Goiena albisteen kanalera.
TELEGRAM: Batu zaitez GoienaAlbisteak kanalera.