Guztira herriko 41 komertziok eman dute izena Udalak eta Txandak antolatu duen Gabonetako eskaparate lehiaketarako. Bihar, eguena, da azken eguna botoa emateko; sari banaketa zapatuan egingo dute udaletxeko osoko bilkuren aretoan, 13:30ean.
Udalak 4.500 euro banatuko ditu saritan: lehenak, 1.500 euro irabaziko ditu; bigarrenak, 1.000 euro; hirugarrenak 500; laugarrenak 300 eta bosgarrenak, 200. Gainera, 500 euro jasoko ditu urtean zehar erakusleiho aldaketa gehien egin dituen komertzioak.