Martuteneko presoendako jaso gura duen materialaren artean dago: gizon zein emakumeendako barruko arropa berriak, galtzerdiak, pinik gabeko telefono txartelak, tabako gorria eta metxeroak, hortzetako pasta eta eskuilak, gutun-azalak, eta seiluak, bainatzeko xaboiak, desodorante-barrak, azazkalak moztekoak, pilak, turroi biguna eta bainatzeko txankletak (41-44 neurrikoak). Materialaren ordez dirua eman gura izanez gero, hartuko dute pastoraleko kideek.
Egubakoitzera arte hainbat lekutan jasoko dute materiala: Garoa aretoan 18:00etatik 20:00etara arte –Espetxe Pastoraltzako kideak egongo dira–, eta herriko denda hauetan ere bai, zabalik dauden ordutegi barruan: Hirukar, Sillero eta Irizar.
Oñatiko espetxeratuekiko pastoraleko kideek aurrez eskertu gura die herritarrei euren borondatea, bizi dugun egoera erraza ez dela kontuan hartuta.