Salaketa eta neurriak
Egoera salatzeaz gain, Oñatiko udal taldea etxegabetzeen aurkako plataformarekin eta Fiare banku etikoarekin harremanetan jarri da elkarlanean jardun eta protokolo bat eratzeko. Horren harira, alkateak dio Udalak ez duela gai horretan eskumen berezirik: "Eskumen berezirik izan ez arren, konpromiso batzuk hartu ditugu, mozioan jaso ditugunak". Gainera, Udalak finantza instituzioekin duen harremanean ere eragina izan dezakete konpromiso horiek: "Finantza instituzio horiek ze jarrera duten ikusiko dugu eta horren arabera eurekiko harremana berraztertuko dugu", azaldu zuen Biainek.
Gizarte zerbitzuetako bulegoarekin elkarlanean azterketa bat egiten dabiltza Oñatin. "Orain arte egon izan da kaleratze kasuren bat, baina ez da ezagutu", dio alkateak. Egoera larrian daudenak gizarte zerbitzuetara jo dezatela gaineratu du, han "kasu larrietarako laguntzak" baitaude.
Merkatuaren logika
Azkenik, kritikatu zuen etxe kaleratzeak merkatu logika batetik egin direla eta merkatu logika hori banku eredu jakin baten ondorioa dela.