Bigarren kanporaketako bertsolariek bederatzi lan egin beharko dituzte: agurra, hiruna bertso zortziko txikian eta handian, bertso bat lau oinak emanda, eta kartzelako gaia; eta euren lana epaitzen egongo dira: Lander Diaz de Guereñu, Patxi Goikolea, Iñaki Beristain eta Jerardo Elortza.
Lehen kanporaketa
Bertsolari txapelketako lehen kanporaketa Antixena gaztetxean egin zuten azaroaren 24an. Lepo bete zen Egoitz Aizpuru, Josu Igartua, Joseba Igartua, Urko Egaña, Gorka Larrea eta Maider Arregiren lana ikusteko. Txalo zaparrada jaso zuten egindako lanarengatik. Puntuaketa honela geratu zen: Josu Igartua, 188 puntu; Maider Arregi 185,5; Joseba Urtzelai 183; Urko Egaña 181,5; Gorka Larrea 181; eta Egoitz Aizpuru 177,5 puntu.