Gipuzkoako Urak enpresak bidegorriko lanak aprobetxatu ditu Zubillaga auzoko ur hornidura sarea berritzeko. Ez da hoditeria osoa berritu baina bai zaharkituta zegoen hodi zatia. Oinarrizko lan horiek eginda, hoditeria berria sare nagusira lotu behar da, eta horixe da gaur goizean egiten hasiko direna. Lotura hori egiteko, baina, ura kendu behar dute 08:30etik 12:30era.
Gaurkoa, dena den, lehen mozketa izango dela adierazi dute Gipuzkoako urak enpresako langileek. Litekeena da datorren astean bigarren ur mozketa egitea.