"Astean alta jaso dut eta kantzerraren azken errebisioa egin didate. Egun berezia da gaurkoa niretzat. Ez zegoen ezer errebisioa gaizki joango zela pentsatzeko, baina beti daukazu kezka hori eta oroitzapen asko etortzen dira gogora. Oso pozik nago". Horixe esan digu Markel Irizarrek bazkaltzen bukatu ostean. Eta hauxe gaineratu digu: "Zale moduan, zale onenak ditut; ez bakarrik orain hobeto nagoela, gauzak gaizki joan direnean asko lagundu didate eta hori asko estimatzen dut".
Bazkal ostean, momentu hunkigarri asko egon dira: bertsoak, bere aurtengo txirrindularitza denboraldiko argazkiez osatutako bideoa, zaleen hitzak...
Barre, malko eta lagun arteko giro bikainean igaro dute aurtengo ospakizun eguna Markelen lagunartekoek.