Grabazio lanak bukatuta editatzeko momentua da orain. Hamabost taldetik bostek dihardute une honetan bertan Gaztelekuan edizio eta muntatze lanetan. 19:00retan entregatuko dituzte talde parte-hartzaileek euren lanak eta 19:15etan luncha egongo da Santa Anako sarreratxoan. Film labur guztiak proiektatuko dira Santa Anan bertan 20:45ean; 22:30ean izango da sari banaketa.
Hamabost taldek dihardute goizean goizetik Oñatiko III. Film Laburren Rallyan. Inoiz baino talde gehiago. Aurtengo gaia zalantza da, beraz, horretan oinarritua izan beharko du film laburrak. Derrrigorrez agertu beharreko elementua berriz, soka da. Goizean goiz ekin diote guztiek lanari. Herriko kale, denda zein taberna, edozein txoko izan daiteke egokia eszenaren kokaleku izateko eta hala ikusi ditugu parte hartzaileak, mikrofono eta kamerak hartuta, herriko toki desberdinetan.
ALBISTEAK ESKUKO TELEFONOAN
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Batu zaitez Goiena albisteen kanalera.
TELEGRAM: Batu zaitez GoienaAlbisteak kanalera.
Harpidetza aukera guztiak