Partiduko minutu gehienetan Touring baino hobea izan arren, oñatiarrak esku hutsik itzuli ziren Errenteriatik. "Ez dugu punturik lortu, baina oso itxura ona eman dugu", esan du Andoni Azkargorta entrenatzaileak. Hasierako minutuetan jaso zuen lehen gola Aloñak, eta luzapenean bigarrena.
Lehen zatian ondo kokatuta irten zen Aloña zelaira, baina Touringek egin zuen lehen gola. Dena den, oñatiarrek sortu zituzten lehen zatiko gol aukera garbienak.
Bigarrenean, Aloña izan zen jaun eta jabe zelai erdian. Baina, erasoan, azken metroetan ez zuten asmatu. Luzapenean, korner erdiraketa batean berdinketaren bila igo zirenean, Touringek aldaratzea aprobetxatu, eta kontraerasoan, bigarren gola egin zuen.
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Batu zaitez Goiena albisteen kanalera.
TELEGRAM: Batu zaitez GoienaAlbisteak kanalera.