ULMAk hezkuntzaren aldeko III. azokan parte hartzera deitu ditu bere langile eta bazkideak. Liburuak (irakurtzeko liburuak eta testu liburuak gazteleraz, eta haurren ipuinak euskaraz eta gazteleraz), eskola materiala (koadernoak, boligrafoak…) eta haurrentzako arropak eta zapatak batuko dituzte, eta Hermansoloña GKEren eskuetan jarri, bere hezkuntza proiektuetan berrerabil ditzan. ULMA Taldeko zerbitzu zentraletan (Oñatiko Garagaltza auzoko 51. zenbakian) egingo dute bilketa, azaroaren 19ra arte.
Materiala eramateko ordutegia: astelehenetik egubakoitzera, 08:30-13:00 eta 14:00-17:30.
VII. Argazki Lehiaketa ere abiarazi du taldeak. Munduko Herrialdeak eta Kulturak da aurtengo gaia eta, edizio honetan, langile bakoitzak gehienez sei argazki bidali ahal izango ditu. Parte hartzaile guztien artean, i-phone bat zozketatuko da eta hamabi argazki onenekin ULMAren 2013ko egutegi korporatiboa osatuko dute.
Lanak bidaltzeko: begira@ulma.es, abenduaren 14ra arte.
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Batu zaitez Goiena albisteen kanalera.
TELEGRAM: Batu zaitez GoienaAlbisteak kanalera.