Jagoba Gamarra, Imanol Ceciaga, Ander Gartzia, Josean Cavada eta Asier de La Iglesiarekin hasi zuen lehia Aloñak. Lehenengo laurdenean 21-10 jarri ziren aurretik. Defentsa lanean, eta batez ere taula azpian, oso ondo ibili ziren etxekoak. Erreboteetan jaun eta jabe izan ziren. Atsedenaldira 40-24 joan ziren aurretik.
Hirugarren laurden ona
Hirugarren laurdenean erritmoari eutsi egin zioten oñatiarrek. Hala, 24-11ko partziala eginda 64-35 aurretik jarri ziren. Azken laurdenean erritmoa jaitsi egin zuten etxekoek eta aukera hori aprobetxatu zuten donostiarrek aldea murrizteko.
Hurrengoa, Santurtzi
Eneko Blanco Aloñako entrenatzailea pozik zegoen taldeak egindako lanarekin. Etxean gogorrak izan behar direla nabarmendu zuen, eta kanpoan ahalik eta emaitza onenak ateratzea izango dela euren lana esan zuen. Datorren aste bukaeran Santurtzira joango dira. Partidu "zaila" izango dela esan zuen Blancok.