Nahiz eta eguraldiak ez lagundu, umore onarekin eta jai giroan ospatzen ari dira Sierra Maestrako kideak Latinoamerikako jaia. Jaiari hasiera Oñatiko plazan eman diote umeentzako bi ekitaldirekin: Joan Di Mazeo pailazoaren ikuskizunarekin eta marrazki lehiaketarekin.
Haurrentzat jolasak eta nagusientzako Latinoamerikako gastronomia erakustaldia egin dute. Bertan, Amerikako pintxoak, enpanadillak eta bestelako produktuak eskaini dituzte. Gero, bazkaria egin dute berdura plazan eta gauean jai latindarra egingo dute Iturri tabernan.