Oñatiko jaiei eskainitako 'Magazinea'

Atzo, astelehena, Errosaixo Bixamon Eguna ospatu zuten Oñatin eta era guztietako mozorroak ikusi ahal izan ziren; humorerik ez zen falta izan, eta ideia originalik ere ez. Bi egun lehenago, berriz –zapatuan–, Herri Eguna ospatu zuten, baserritar jantzita, ohiturari jarraituz. Bata zein bestea jai-egun garrantzitsuak dira oñatiarrentzako eta horietan batutako irudi, inkesta eta bitxikeriekin, berezia izan zen atzoko 'Magazinea'. Herri bazkarian eta Lazarraga etxeko lorategian Oñatiko Udal Musika Bandak eskainitako kontzertuan ere murgildu zen saioko lantaldea.