Oñatin Herri Eguna ospatuko dute zapatuan, eta horrek zaildu egingo du zaleak Bilbora gerturatzea. Seguru, baina, Eneko Blancoren mutilek zapatuko finalerdia gainditzen badute, domekako finalean Oñatiko zaleek etxeko taldea animatuko dutela, biharamun galantarekin bada ere.
EBAko ordezkari bakarra
Natra Oñati taldea da finalerdietara sailkatu diren taldeen artean EBAkoa den bakarra, gainontzekoak goragoko mailakoak direlako, LEBekoak. Zapatua, Oñatikoek Aurtenetxeren kontra jokatuko dute Bilbon (17:30, Zorroza). Duela 15 egun txantxikuek mendean hartu zuten talde hori, baina ordutik arabarrek taldea indartu dute bi fitxaketa on eginda. Hala, orduko balentria errepikatzea gaitzagoa izango da. Lortuz gero, domekan jokatuko lukete finala, La Casilla kiroldegian (12:15). Iraurgi eta Cafes Aitona dira finalerako beste hautagaiak. Hemen informazio gehiago.