Danbor hotsek San Migel jaietarako deia egin dute Oñatin

Danbor hots ederrean eta herritarrak kaleetan pilatuta, aurten ere jai gogoak burrundararekin suspertzeaz arduratu dira danbor-jotzaileak. Avenidan puntu-puntuan atera ziren konpainiak 23:00etan eta gauerdia pasatxo, plaza bete zuten. Danbor jotzaile lerro luzeak erdialdeko kaleak hartu eta gero, plazan txukun-txukun eta dotore-dotore egin zuten bukaera. Emozio bereziarekin, aurtengo kintoek egin zuten dantza eta parte-hartzaileetan, berrehundik gora, gaztetxe eta txosna guneko konpainiak. Banderak ere ederto haizatu zituzten udaletxeko balkoian eta herritarren txaloekin amaitu, jaien hasierako ekitaldi dotore eta jendetsu moduan.