Markel Irizar: "Armstrongi ikerketa egitea barregarria da eta ez dauka zentzurik"

Adierazpenok egin ditu ziklista oñatiarrak, Espainiako Itzulia amaitu berri. Irizarrek dio ez dagoela frogarik Lance Armstrongen aurka, eta "akusazioa egiten bada, frogak edukita" akusatu behar dela. Gainera, "batzuek urte asko pasatu ondoren" egiten dituzte akusazioak, "diru asko irabazi ondoren", eta errespeturik merezi ez dutela dio.

Taldearen lanaz, berriz, dio urte zaila izan dela, "filosofia bi batzetik sortutako taldea" delako RadioShack-Nissan. Horrek gauzak zaildu ditu, baina Bennatik Vueltan irabazitako etapak lasaitu handia eman ziela aurrera egiteko. Elkarrizketa osoa Biciciclismo-n dago.