Eusko Jaurlaritzako Kultura Departamenduak Oñatiko alde zaharra Monumentu Multzo izendatzea onartu zuen martitzenean egindako Gobernu Batzordean. Eusko Jaurlaritzako Kultura Sailak Oñatiko alde zaharrak duen interes historikoa eta artistikoa baloratu du izendapen hau egiterako orduan. Eta besteak beste, monumentu historiko asko kontserbatzen dituela zehaztu dute, adibidez, jauregiak. Babes maila ezberdinak ezartzen ditu izendapenak, eraikinen garrantziaren arabera.
Monumentu Multzoak bere baitan hartuko ditu, esaterako, Kale Zaharra, Kale Barria, Atzeko Kale, Santa Marina plaza eta horien inguruak. Erabakia oraindik ez da aldizkari ofizialean argitaratu eta baliteke oraindik aldaketak izatea. Oñatiko Hirigintza arloarekin harremanetan jarrita, adierazi digute ez dituztela jaso izendapenaren gaineko xehetasunak.
Arrasateko eta Bergarako alde zaharrek badute, dagoeneko, izendapen hau.
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Bidali ALTA 688 69 00 07 telefono zenbakira –Whatsapp bidez–.
TELEGRAM: Batu zaitez @GoienaAlbisteak kanalera.
Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.