Irailetik aurrera e-Rezeta sistema martxan jarriko da Oñatiko farmazietan. Uztailaren 2an hasi ziren Euskadiko lau herrietako zortzi farmazietan proiektu hau probatzen. Berez, udaberrian hasteko asmoa zeukaten, baina arazo teknologikoak direla medio, data atzeratu behar izan dute.
Gipuzkoan
Hala, irailean jarriko dute martxan Oñatin sistema berria. Baina, Oñatin jartzeaz gainera, Gipuzkoa mailan Hondarribin jarriko dute. Dena den, gainontzeko herrietara 2013 hasieran hedatuko da.
Euskadin
2013tik aurrera sistema hau Euskadiko 823 farmazia eta 232 botikinetan egongo da. Atzo, besteak beste, Derion hasi ziren sistema hau probatzen.
Funtzionamendua
Herritar bakoitzak txartel pertsonal bat izango du eta txartel honekin, farmazietan behar duten sendagaia hartu ahal izango du. Izan ere, herritar bakoitzaren medikuak mezu elektroniko baten bidez, pertsona bakoitzak behar duen sendagaia bidaliko du eta txartelean erregistratuta geratuko da. Modu horretan, herritarrak ez dira anbulategira errezeta hartzera joan beharko. Hau da, zuzenean farmaziara joan ahal izango dira eta txartelarekin behar duten sendagaia erosi.