Hasieratik jokatu zuten ondo oñatiarrek. 0-6ko partziala egin eta lehen laurdena hasieratik bukaerara menderatu zuten. Sei puntuko aldearekin hasi zuten bigarren laurdena. Lehenengokoaren jokoa eta maila mantenduta, zortzi puntu gora heldu ziren atsedenera: 33-39.
Bigarren zatia
Hirugarren laurdenean ondo jokatu zuen, jaurtiketa gutxi huts eginez. Hori horrela, markagailuko abantaila mantendu zuten. Baina, laugarrenean, tentsioa jaitsi eta Santurtzik 6-0ko partziala egin zuen. Oñatiarrak, jaurtiketak huts egiten hasi ziren, eta bizkaitarrek lehia berdindu zuten.
Eneko Blanco entrenatzailearekin berba egin ondoren, erasoa ondo antolatzen hasi ziren berriro ere, eta batez ere, jaurtiketa libreak aprobetxatu zituzten azken minutuetan, berriro abantaila hartzeko. Natra Oñatik hiru puntuko abantaila zuela, Santurtzik berdinketarako hirukoa egin zuen, baina ez zuen asmatu.
