Irabazleak
Txapelketan parte hartu zuten gaztetxoek hegazkinak egiteaz gain, epaimahai lanak ere egin zituzten eta bi sari banatu zituzten: hegaldi luzeenarena eta diseinu aldetik erakargarriena zena. Kepa Gartziak, txapelketara aurkeztu zen ume gazteenak, jaso zuen hegaldi luzeenaren saria. Diseinuari zegokion saria, berriz, Markel Guridik jaso zuen. Hala ere, gaztelekuko Iñigo Ugartek azaldu zigun lehiaketaren helburua ez dela lehiakortasuna sustatzea, lagun artean ondo pasatzea baizik.