Zer moduz atera zen?
Egon zen jendeari galdetzea izango litzateke hoberena; egia esan, ni dagoeneko ez naiz oso objektiboa. Hala ere, oso pozik egon ginela esan behar dut. 250 lagunetik gora bildu ginen, eta filmean zehar jendea barrez ikusi genuen, hunkituta zenbait momentutan... azkenean, guztiak oso pozik irten ginen. Beraz, balorazio positiboa egin behar dut Arrasateko emanaldiaz. Jendearen ilusioarekin jolas egitea da gure helburua, eta alde horretatik lortu egin genuela uste dut. Izan ere, astegun batean eta 20:30ean izan zela kontuan izanik, bada, erantzun bikaina izan genuen!
Ikusleak protagonista sentitzea lortu zenuten?
Nik uste dut dokumentalean jendeak bere burua ikusten duela pelikulako protagonista horiengan, eta Arrasaten gauza bera gertatu zen.
Beraz, balorazioa positiboa izan dela esan dezakegu?
Bai, oso positiboa. Amaieran kamiseta mordo bat saldu ziren, eta gazta pila bat jan zen, postuak hutsik bukatu zuen.
