Gainera, iaz futbola utzi zuen Unai Arregik eta aurten lehen taldea utzi duen Roberto Idigorasek aipamen bereziak jaso zituzten presidentearen eskutik. Aloñaren alde egindakoagatik "esker ona" jaso zuten.
Futbol saileko aipamenak
Ohorezko erregionala
- Kemenari saria: Mikel Palacios
- Erregulartasuna: Iker Agirre
- Golegile onena: Asier Ugarte
- Kirolzaletasuna: Josu Millas
- Aipamen bereziak: Unai Arregi-Roberto Idigoras
Ohorezko gazteak
- Kirolzaletasuna: Gorka Lazkano
Gazteak lehen maila
- Kirolzaletasuna: Julen Astigarraga
Ohorezko kadeteak
- Kirolzaletasuna: Aritz Azurmendi
Sarrerak eta gastuak
Diru kontuei dagokionean, futbol sailak emaitza positiboa izan duela esan zuen diruzainak Aloña Mendiren egoitzan egindako agerraldian: 5.957 euroko saldo positiboarekin bukatu du urtea. Diru-sarrera handienak bazkideen kuotak (54.815 euro) eta Azkoagaingo tabernako salmentak (21.091 euro) izan ziren. Bestalde, gasturik aipagarrienak bidaiak (18.293 euro), sariak (14.400 euro), eta tabernako edariak (12.633 euro) izan ziren.
Kirol arloa
Kirol arloari dagokionean, talde guztiek egindako lana txalotu zuten. Batzuek beste batzuek baino emaitza hobeak lortu dituzte. Futbol sailak federatutako hamar talde izan ditu.
Urteko batzarrean bestalde, eskola kirolak eta futbol eskolak egindako lana azpimarratu zuten. Hainbat monitorek "lan bikaina" egin dute harrobiko jokalariekin Josean Larrearen gidaritzapean.