Kontzertu akustikoa izango da gaurkoa. Bakarrik eta gitarraren laguntzaz eskainiko duena. "Dreams laneko abesti bi eskainiko ditut baina gehienak abesti berriak izango dira" dio Mariak. Guztiak ere, 70eko folk eta rockaren ildotik.
Aurrerantzean taldean
Mery Mayk proiektu berri baten dihardu burubelarri. Bakarlari gisa jarraituko badu ere, Bordeleko bi musikarirekin dihardu osatzen laster baten grabatuko duten lana. "Disko berrian egongo den abesti bat grabatu dugu dagoeneko eta asmoa da, udan Shot! estudioetan grabatzea gainontzeko guztiak" esan digu. Abesti guztiak Mery Mayrenak dira eta sortu duten taldeak Mery May and The Bang Band izena edukiko du. Hirukoteak bihar eskainiko du kontzertua Arrasateko plazan.