Zapatuan, 11:00etan, hiruko saskibaloi txapelketa egingo dute, eta 16:00etan, III. goitibehera jaitsiera, Larrain Gain elkartetik Errekaldera. Haurrendako puzgarriak ipiniko dituzte (16:30). Rock kontzertuaren aurretik (23:00etan, Miren, Agur eta Gorka, eta Los Zopilotes Txirriaos) poteoa egingo dute triki-txarangarekin.
Auzo bazkaria eta meza
Domekan, hildakoen aldeko meza, Oñatzekoen emanaldia, auzo bazkaria eta mus txapelketa egingo dituzte. 19:00etan Ikusi Makusi erretiratuen antzerki taldekoek emanaldia egingo dute. Jaiak 00:00etan bukatuko dituzte etxafuego jaurtiketarekin.