Behin emanaldia bukatuta, kontzertuko parte-hartzaile, lagun eta senitarteko guztientzat lunch txiki bat izango da.
Antigua Abesbatzak Lehiaketa
Udaberri partean, Zumarragan urtero ospatzen den abesbatza lehiaketan parte hartuko du Ganbara Gazte Abesbatzak, Oñatiko Ganbara Abesbatzako neskekin batera. Ekainaren 2an da hitzordua, Zumarragako Antiguako ermitan. Aurtengo edizioan ahots berdineko taldeak bakarrik lehiatuko dira eta talde oñatiarra beste lau abesbatza entzutetsurekin lehiatuko da: Irungo Ametsa Abesbatzako emakumeak, Asturiasko Leon de Oro abesbatzako gizonezkoak, Madrilgo Vokalars emakumeen abesbatza eta Igualadako Cor de Noias Exaudio.
2012-2013 kurtsorako izen-ematea zabalik
Datorren kurtsoan Ganbara Kantu Eskolako talderen batean parte hartu nahi izan ezkero, izen-ematea ekainaren 4tik 7ra bitartean egin ahal izango da, 17:30etik 19:30era, abesbatzak Errekalden duen lokalean edo, aurten berrikuntza moduan, Internet bidez, http://ganbaratxiki.blogspot.com/ helbidean; aski da bertan dagoen inskripzio-orria betetzearekin.
3 urtetatik aurrerako haur eta gaztetxoek eman dezakete izena. Ordutegi eta taldeei buruzko informazio zehatzagoa idazkaritza.ganbaratxiki@gmail.com helbidera idatzita eska daiteke edo Errekaldeko lokalean bertan.
Xanbe abesbatzaren kontzertua
Ganbara Txiki taldeak martxoan Lazkaora bisita egin ondoren, bertako Xanbe abesbatza etorriko da Oñatira emanaldia eskaintzera. 9 eta 15 urte bitarteko 25 gaztetxok osatzen dute abesbatza eta Miren Gurutze Plazaola da taldeko zuzendaria. Plazaola Ganbara Txikitxoak taldeko piano-jotzailea da eta harreman horren emaitza izan da elkartrukea. Emanaldia ekainaren 15ean izango da Agustinoen elizan, 19:00etan.