Tartean da zapatu arratsaldean Pirritx, Porrotx eta Marimotots pailazoek kiroldegian emango duten Zazpikoloro emanaldia. Sarrera guztiak daude salduta: 1.040. Goizean jolas parketak, erakusketa eta ate irekiak egingo dituzte. Hori guztia bihar izango da, eta gaur, egubakoitza: DBH eta batxilergoko ikasleen bazkaria, jolasak, kirolak, lehiaketak, Nikaraguan garatzen ari den proiektuarekiko elkartasun ekintza eta umeendako jaialdia izango dira beste ekitaldi batzuen artean: antzerkia, koreografiak eta abestiak, besteak beste.