Aurreko tailerretan bezala, 10 saioko ikastaroa izango da bigarren hau, baina saioak bost astetan banatuko dira. Hau da, astean bi egunetan emango dira eskolak, martitzenetan eta eguaztenetan, 18:30etik 20:00tara. Argazkigintza ikastaro hori maiatzaren 15ean hasi eta ekainaren 13an bukatuko da.
16 pertsonako taldea
Argazkigintzako bigarren ikastaro hau ere Itziar Bastarrika argazkilariak emango du. Historia apur bat, kamerak erabiltzeko oinarrizko teknikak eta zenbait autoreren lanak erakutsiko ditu Bastarrikak, besteak beste.
16 pertsonako taldea osatuko dute eta tailerraren prezioa da 50 euro. Interesa duen edonork gaztelekuan eman behar du izena maiatzaren 10a aurretik.