Familia-harremanetan aberastasuna eta pobrezia zelan banatzen diren ikertuko dute adituek, eta munduko finantza-krisiak zein hark eragindako murrizketa-politikek banaketa hori zelan baldintza dezaketen ere landuko dute.
Diziplina-arteko bilkura izango da. Izan ere, parte hartuko duten 22 adituen artean (Espainia, Portugal, Erresuma Batua, Kanada, Norvegia eta Irlandakoak) zuzenbide, soziologia, politika sozial, ekonomia eta politika-zientzietan adituak daude. Horri esker, antolatzaileen esanetan, "ikuspuntu desberdinetatik aztertuko dute diru-arazoak giza-harremanen arloan zelan egituratzen eta kudeatzen diren, eta nora arte ekonomia kontuek harreman horien izaera eta ekonomia-dinamikan eragiten duten".
Beste gauza batzuen artean, galdera hauei erantzuten saiatuko dira: Zelan bihurtzen dira bikotekideak ekonomikoki kalteberak? Badago giza-multzoren bat, emakumeak, kasu, kaltetua izateko arrisku handiagoa duena?