Euriak erabat baldintzatu du Udanako igoera. Izan ere, errepidea bustita dago eta horrek istripu ugari eragin ditu. Besteak beste, istripua izan dute entrenamendu saioan: Asier Samaniego eta Monika Muñoz oñatiarrek, eta Jorge Gonzalezek. Azken biek lasterketa utzi behar izan dute jasandako kolpearen ondorioz. Samaniegok, berriz, jarraitzea erabaki du.
Zaleek ez dute huts egin
Zira, aterki eta katiuskak jantzita ikusi dugu jendea Udanan, izan ere, eguraldia ez dute lagun. Hala ere, asko izan dira mendatean zehar batutako zaletuak.
Egiaztatze teknikoa
Gaur goizean egin dituzte lasterketan parte-hartu behar zuten autoen egiaztatze teknikoak Oñatiko plazan. 74 pilotuk zuten izena emanda, baina 66 izan dira aurkeztu direnak. Foru enparantzan bertan egon dira ikusgai orain Udanako maldetan gora korritzen dabiltzan autoak 13:00ak arte.